Літаратурна-творчае аб'яднанне
"Вяснянка"
"...Мова, прыгожае пісьменства, паэзія,
музыка - сродак сувязі паміж людзьмі,
вышэйшы сродак..."
Ул.Караткевіч
Кіраўнік аб'яднання - Сокал Таццяна Анатольеўна, настаўнік беларускай мовы і літаратуры.
Дэвіз: "Адкрываць дагэтуль раней невядомае"
Пачынаючаму паэту неабходна ведаць, што існуюць пэўныя крытэрыі ацэнкі вершаваных твораў!
1) У вершы павінна быць новая ідэя, думка, выкладзеная ў паэтычнай форме.
2) У паэтычным творы неабходна правільна вызначыць баланс формы і зместу і строга яго выконваць. Малады паэт можа і не валодаць мовай віртуозна, аднак яснасць выкладання і пісьменнасць - той мінімум, якім павінен валодаць аўтар для таго, каб чытач мог яго зразумець.
3) Пачынаючым аўтарам неабходна звярнуць увагу на рыфму. Менавіта дзякуючы ёй радкі аб'ядноўваюцца ў страфы, і ўспрыманне верша чытачом палягчаецца.
4) Для пачаткоўца ў паэзіі можна параіць выкарыстоўваць строгую класічную форму вершаў. Яшчэ будзе час паэксперыментаваць са стылямі, рыфмамі, формамі. Аднак гэта зусім не значыць, што нельга выказваць свае думкі вольным стылем, у вольнай форме. Калі нараджаюцца белыя вершы - пішыце. У творчасці няма мяжы дасканаласці.
5) Больш чытаць класікаў і сучасных аўтараў, зноў і зноў спрабаваць свае сілы ў вершаскладанні, навучыцца валодаць мовай і ўжываць усё яе багацце ў сваіх творах - вось галоўныя парады, якія можна даць юнаму паэту.
6) Для таго каб у вас атрымліваліся добрыя вершы, трэба выконваць дзве нормы, два правілы: вытрымліваць вершаваны памер і структуру строф.