“Ты будзеш звінець, наша родная мова!”
Мова – неад’емная частка чалавечай культуры. Дзякуючы ёй, працягваюць жыць традыцыі. Мова абуджае цікавасць да пазнання свету, садзейнічае праяўленню павагі да нашага мінулага.
З 15 па 25 сакавіка ў школе праходзіла Дэкада беларускай літаратуры, культуры і мастацтва. Гэта свята, якое дае магчымасць кожнаму праявіць свой талент і творчыя здольнасці.
Мэтамі правядзення дэкады сталі выхаванне цікавасці да вывучэння роднай мовы і нацыянальнай культуры праз самарэалізацыю вучняў у разнастайных творчых і інтэлектуальных мерапрыемствах, а таксама папулярызацыя роднай мовы, літаратуры, культуры.
На працягу дэкады вучні прымалі актыўны ўдзел ва ўсіх прапанаваных мерапрыемствах. Распачыналася дэкада акцыяй “Акраверш “Мая мова”, у якой маглі прыняць удзел усе жадаючыя. Таксама былі аб’яўлены конкурс флаераў “У любімай мове, роднай, наскай, ах, якія словы…” і акцыя “Сэлфі па-беларуску”. Былі наладжаны экскурсіі ў школьны этнаграфічны куток “Беларуская хатка”. Для вучняў 5-7 класаў былі праведзеныя урок-гульня “Адкрываю нанова беларускае роднае слова”, конкурс эрудытаў “Слова роднае – вечнасці след”, гульня “Беларуская скарбонка”.
Падчас мерапрыемства “Беларуская скарбонка” вучні 5 - 7 класаў праявілі кемлівасць, здагадлівасць, паказалі свае веды ў розных намінацыях: “Этнаграфія”, “Лексіка”, “Прырода Беларусі” і інш. У канцы мерапрыемства ўсе ўдзельнікі і гледачы атрымалі салодкія падарункі з “пажаданнямі” да беларускіх класікаў.
Усе мерапрыемствы садзейнічалі фарміраванню моўнай культуры вучняў, узбагачэнню слоўнікавага запасу, далучылі іх да таямніц роднай мовы і, галоўнае, выклікалі цікавасць да яе вывучэння.
Выступленне на конкурсе чытальнікаў
"Жывая класіка"
Творчае пасяджэнне літаратурнага аб'яднання "Купалінка"
Экскурсія ў дзяржаўны літаратурны музей
імя Янкі Купалы.
Святкуем Дзень роднай мовы.
Акцыя "Маё любімае беларускае слова"
"Жывая класіка"
Нацыянальны акадэмічны тэатр імя Янкі Купалы
Літаратурны музей імя Максіма Багдановіча
Нацыянальная бібліятэка Беларусі
Падарожжа "Крокамі свята беларускага пісьменства"
